“ABŞ Federal Ehtiyat Sistemi baza faiz dərəcəsini 25 baza bəndi artıraraq illik 0,25-0,5%-ə çatdırması gözlənilən idi. Çünki dünyada artıq bir müddətdir ki, qiymət artımı müşahidə edilir. Bu, ümumən dünyada dolların bahalaşması mənasına gəlir, amma Azərbaycana təsiri yoxdur. Çünki Azərbaycanda neftin qiyməti kəskin artıb və valyuta ehtiyatlarımız kifayet qədərdir”.
Bunu Pravda.az-a açıqlamasında iqtisadçı ekspert Əkrəm Həsənov deyib.
O bildirib ki, Rusiya-Ukrayna müharibəsi dünyadakı qiymətartımı tendensiyasını gücləndirir: “Ona görə də mərkəzi banklar uçot dərəcəsini artırırlar. Lakin neft qiymətlərinin bahalaşması nəticəsində, manat üçün heç bir təhlükə yoxdur. Hesab edirəm ki, ümumilikdə bu il ərzində milli valyuta sabit qalacaq".
pia.az